কিতা কইতাম শরম করের (সিলেটের আঞ্চলিক)

September 24, 2019, 9:37 AM, Hits: 606

কিতা কইতাম শরম করের (সিলেটের আঞ্চলিক)

নাজমুল ইসলাম মকবুল 

কিতা কইতাম শরম করের

কই গিয়া পড়তাম মরি

যেবায়উ যাই অবায় দেকি ঘুষর অউ ছড়াছড়ি।।

গাউ গেরামো বিছার লাগলে

বিছার নাই কয় আধপাগলে

মড়লে কইন বিছার পাইতে টেখা দেও তাড়াতাড়ি।। 

অফিস আদালতো আইলে

ঘুষ দিতে অয় ভাইলে ভাইলে 

টেখা ছাড়া তোমার ফাইলটা তলেদি থাকবো পড়ি।।

রিজেষ্টারী করতে জাগা

রাখা লাগে ঘুষর ভাগা

চাকরী বাকরী অয়নাবুলে না দিলে ঘুষর জড়ি।।

বড়ছাব কইন কানে কানে

ঘুম অয়না তান ঘুষর টানে

উপরে নিছে হখলেউ খাইন মজাদার ঘুষর বড়ি।।